Ka ndërruar jetë ish-kryetari i Kuvendit të Kosovës, Nexhat Daci

Ishte ndër themeluesit e Lidhjes Demokratike të Dardanisë dhe ushtrues detyre i Presidentit të Kosovës në vitin 2006.

Ka ndërruar jetë politikani kosovar dhe ish-kryetari i Kuvendit të Kosovës, Nexhat Daci, mëson RTV Albania.

I ndjeri ka shërbyer si Kryetar i Kuvendit të Kosovës, ndërsa pas vdekjes së presidentit Ibrahim Rugova në vitin 2006, ai ka ushtruar edhe funksionin e Presidentit në detyrë të Kosovës.

Nexhat Daci ishte ndër themeluesit e Lidhjes Demokratike të Dardanisë (LDD) dhe mbeti aktiv në jetën politike edhe pas përfundimit të mandatit të tij si kryeparlamentar. Ai konsiderohej një nga figurat e rëndësishme të jetës institucionale të pasluftës në Kosovë.